KEMASKINI...........

Tajuk kat atas bukan ape....dah lame tak 'update' blog kan...jadi hari ni macam rajin nak menaip...lagipun blog den ni ado gak pengikut eh...KATO DEN...hohoho

Malam hari sabtu lepas bosan duk umah..den pun start keto g makan...peh poie makan, maleh plak balik umah...kengkawan plak takdo...pikir punyo pikir...den pun tokan la minyak keto poie PUTRAJAYA...tanpa arah tujuan...tompek petamo yang den poie mano laie...Tempat kesukaan la...Petronas Presint 16...

Dah sampai situ baru tipon sorang member den...lepak2 kek umah eh..kul 12 ajak dio kuar...tempat tujuan KUALA LUMPUR ibu kota yang dicintai...G bukit bintang,g dataran merdeka,g jalan2 yang ntah mano2 laie...2 3 kali sosek...KELUMPO biaso la...mesti sosek punye la...hohoho

Pehtu lepak kek Cheras.....alih2 sampai PUTRAJAYA balik kul 4 pagi...tido jap...kul 7 dah bangun balik SOMBAN...ngantuk gilo...tengahari balik PASOH..

apo yang den cakap...den ni kalau nak poie mano2 tak yah la nak janji2...ikut suko hati yo...yo oghang bujang kan...mano nak poie takdo sapo yang nak marah,nak amik tau..lain la kalau da kawin...selalu den  buek camtu...tibo2 yo dah ado dopan umah...selalu gak kawan den yang kono kojutan den..ponah buek kek kawan den kek MUADZAM,MELAKA,PUTRAJAYA da biaso bona,KELUMPO,tapi yang paling jauh kek IPOH...kadang2 den pun kono kojutan gak,sobab diorang tak do kek umah..baghu padan muko den...

itulah diri den....ontah bilo nak berubah tak tau la..kalau tak keluar kang duk yo kek umah dari pagi sampai potang...apo2 nanti den tulis laie yo...jumpo laie...

Botak Kiut Yang Jiwang @ Eden